އަލް އުޚްތު އުންމު ޢަބްދިލްޢަފުއްވު

އަޅުގަނޑުމެންގެ މުޖުތަމަޢުގައި މިވާ ކޮންމެ ނުބައިކަމެއް ފެތުރިފައި މިވަނީ ﷲ ތަޢާލާގެ ޝަރީޢަތާ ޚިލާފުވުމުންނެވެ. ޢައުރަ ނިވާކުރުން ފަދަ ކަންކަމުގައި އިންތިހާއަށް ފަރުވާކުޑަ ކުރުމުންނެވެ. އެއިލާހުގެ އެންގެވުންތަކާ ޚިލާފުވެފައިވާ މިންވަރުން އަޅުގަނޑުމެންގެ ތެރެއަށް އެއިލާހުގެ ޢުޤޫބާތް ވާޖިބުވެދާނެ ކަމުގެ ބިރުހީވެއެވެ.

ޢައުރަ ނިވާކުރުމުގައި މީސްތަކުންފަރުވާކުޑަކޮށްފައިވާ ބައެއް ކަންކަމުގެ މިޘާލު :
ފިރިހެނުން ފަލަމަސްގަނޑު ކަޝްފުކުރުން.
ބާލިޣުވާން ގާތްވެފައި ތިބޭ ފިރިހެން ކުދިންގެ ކުރިމަތީ ޢައުރަ ނިވާކުރުމުގައި ފަރުވާކުޑަކުރުން.
ކުޑަކުދިން ހެދުން އެޅުވުމުގައި ބެލެނިވެރިން ފަރުވާކުޑަކޮށްލާފައިވުން.

* ޢައުރައިގެ މިންވަރު
* ކުޑަކުދިންގެ ޢައުރަ

* ނަބަވީ ސުންނަތުން ޢައުރަ ނިވާކުރުމަށްވާ ބައެއް ދަލީލުތައް

ޢައުރަ ނިވާކުރުމަކީ އިސްލާމްދީނުގައި ނުހަނު ބާރުއަޅުއްވާފައިވާ ކަމެކެވެ. ނަމަވެސް މީސްތަކުން އެކަމަށް ފަރުވާކުޑަކުރުމުގެ ސަބަބުން މުޖުތަމަޢުގައި ގިނަގުނަ ފާޙިޝްކަންތައްތައް މިވަނީ ފެތުރިފައެވެ. ހަމައެފަދައިން ބެލުންތައް ތިރިކުރުމަށް ވެސް އިސްލާމްދީނުގައި ވަނީ އަމުރު ކުރައްވާފައެވެ.