ރޯދަވެރިޔާގެ އަދަބުތައް (2)
ރަމަޟާންމަހުގެ ފަރުޟު ރޯދަ ހިފުމަށް ނިޔަތްގަތުން. ނިޔަތާއިނުލައި އެއްވެސް އަޅުކަމެއް ސައްޙައެއް ނުވާނެއެވެ. ފަޖުރުއްޞާދިގުގެ އަލިކަން ފާޅުވުމުގެ ކުރިން ރޯދަވެރިޔާ ރަމަޟާންމަހުގެ ރޯދަހިފުމަށް ނިޔަތްގަންނަން ޖެހޭނެއެވެ. (ނޯޓް: ނިޔަތަކީ ހިތުގެ ޢަމަލެކެވެ. އަދާކުރަން އުޅޭ އަޅުކަމެއް ހިތްމައްޗަށް ގެނެސްގަތުމުން ނިޔަތްގަނެވުނީއެވެ. ދުލުން ނިޔަތް ގަތުމަކީ ޘާބިތުވާކަމެއް ނޫނެވެ). ހާރުކައިގެން ރޯދަ ހިފުމާއި، ހާރުކެއުން ފަސްކުރުން. ހާރުގެ ވަގުތުގައި ކާކެއުމަކީ މާތް ﷲ ބަރަކާތްލައްވާނެ ކެއުމެކެވެ. ހާރުކެއުން ވީހާވެސް ބޮޑަކަށް ފަސްކުރުން ސުންނަތްކަން ގަދަވެގެންވެއެވެ. ރޯދަ ވީއްލުން […]