އެނގޭތަ؟

ކަޢުބާއަކީ މުސްލިމުންގެ ޤިބުލައެވެ.

ނަބިއްޔާ صلى الله عليه وسلم ޢުމްރާކުރައްވަން ވަޑައިގެންނެވީ ޖުމްލަ 4 ފަހަރެވެ.

ފޮތެއްގެ ބައްޓަމަށް ހަދާފައި އެވާ ޢިމާރާތަކީ ސުޢޫދީ ޢަރަބިއްޔާގެ ޢުނައިޒާގައި ހުންނަ، ފަޟީލަތުއްޝައިޚް މުޙައްމަދު ބުން ޞާލިޙު އަލްޢުޘައިމީން رحمه الله ގެ މުއައްސަސާގެ ޢިމާރާތެކެވެ.

އިބްރާހީމު عليه السلام އަކީ “ނަބީބޭކަލުންގެ ބަފައިކަލުން”ގެ ގޮތުގައި، ޤުރުއާނުގައި ﷲ ތަޢާލާ ޛިކުރުކުރައްވާފައިވެއެވެ.‎

ނަބިއްޔާ صلى الله عليه وسلم ގެ ހިޖުރައިގެ ދަތުރުފުޅުގައި އެކަލޭގެފާނު މައްކާއިން މަދީނާއަށް ވަޑައިގަތުމަށް ގާތްގަނޑަކަށް 8 ދުވަސް ހޭދަކުރެއްވިއެވެ.

ނަބިއްޔާ صلى الله عليه وسلم ގެ އަޞްޙާބުބޭކަލުން ކުރެ އެންމެ ފަހުން އަވަހާރަވި ބޭކަލަކީ އަބުއްޠުފައިލު، ޢާމިރު ބުން ވާޘިލާ رضي الله عنه އެވެ.

ނަބިއްޔާ صلى الله عليه وسلم ބަޔާންކުރައްވާފައިވަނީ މުއުމިނެއްގެ މިޘާލަކީ ކަދުރުރުކެއްގެ މިޘާލުކަމަށެވެ.

މިއީ ޤުބާ މިސްކިތެވެ. މިއީ ނަބިއްޔާ صلى الله عليه وسلم މަދީނާގައި ބިނާކުރެއްވި ފުރަތަމަ މިސްކިތެވެ.

މިއީ މަދީނާގެ އުތުރުގައިވާ އުޙުދު ފަރުބަދައެވެ. އުޙުދު ހަނގުރާމަ ހިނގީ މި ފަރުބަދައިގެ ކައިރީގައެވެ.

ޙަދީޘް ބަސްފުޅުގައިވަނީ ހެނދުނު (ހުސްބަނޑާހުރެ) އަޖުވާކަދުރުގެ ހަތްކަދުރު ކައިފިމީހަކަށް އެދުވަހަކު ވިހަޔެއް އަދި ކިޔެއް، ސިޙުރެއްގެ ސަބަބުންވެސް ގެއްލުމެއް ނުވާނެ ކަމަށެވެ.

ޞަޙީޙުލް ބުޚާރީގައިވާ ތަކުރާރު ޙަދިޘްތަކާއެކު، އެފޮތުގައިވާ މަރްފޫޢު އަދި މައުޞޫލު ޙަދީޘްގެ ޢަދަދަކީ 7397 ޙަދީޘެވެ.

މިއީ މަދީނާގައި ހުންނަ ޢައިރު ފަރުބަދައާއި ޘައުރު ފަރުބަދައެވެ.